منتديات خدام الحجة (عليه السلام )

بقلم الشاعر علي سلمان غالي لشاعر الكبير عطه السعيدي

اذهب الى الأسفل

بقلم الشاعر علي سلمان غالي لشاعر الكبير عطه السعيدي

مُساهمة من طرف اسامه الناجي في الأربعاء مارس 24, 2010 5:10 pm

هذه القصيده هيه لقلب الشاعر الرائع عطا خميس السعيدي بقلم الشاعر الرائع علي سلمان غالي

لاتكشّفْ شِعرك اسنين العجاف الشعر عِفـّه وما ينام بلا غِطـــــــه
هاك اشرف غطه اِخذه ولاتخاف هاك هذا اعگال ابو اسعيد عطـــه
* * *
عطه مابيه ظغط ماشفته يشكيه ومثل شعره عطه موزون ظغطه
غيرة ْمُعجبات وچلبّن بيه وكثرْ مُعجبه ْچانت الجلطــــــــــه
عطه ارويحة ْحلال وطبع معدان اذا حّبْ طاح كِله بدون خطــــــه
عطه كِله عطه اشما يطـّيْ مجّان كريم وما يحاسب شَخذ شِطـّـــــه
عطه للضيف كِله ايصير بيبان اهدومه امعطرّه بريحة الحنطـــه
ولو تعبان بس ميگول تعبان حتى بعين ناسه ايظل محطــّــــه
رغم العوز مامَدْ چفه لِحسان حتى اسمه رفضْ ياخذ النقطـــــه
عطه شايل دفوْ ماشايله انسان الليالي البارده ابحچيه اتِغطـّـــــه
تعال وشوفه من يحچي بالديوان وعليْ الهوسه الچبيره اتصيرسنطه
لذيذ وماتِملْ من حچيه الآذان وعلى السانه عسل تطلع الغلطــه
عِدّه العاصيات اتصير دخاّن وما يعرف يگول اشلون ورطـــــه
* * *
عطه امحمّل شِعر بظهور اليّام مشن گدامه سواهّن قوافـــــــــــــل
ماعِدّه خريف ايّبس الحروف وما كو بيوم صاعد يوم نـــــــازل
عطه مو گلب عده باب مفتوح ومحنـّه ابكثر وزنه الربّعَه شــايل
غصن مملي ثمر ما تشتهي الروح لذلك من تشوفه اتشوفه مـايل

علي سلمان غالي

بغداد 2/2/2010

اسامه الناجي
عضو نشيط
عضو نشيط

عدد المساهمات : 9
تاريخ التسجيل : 22/03/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى