منتديات خدام الحجة (عليه السلام )


انضم إلى المنتدى ، فالأمر سريع وسهل

منتديات خدام الحجة (عليه السلام )
منتديات خدام الحجة (عليه السلام )
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حان رجوعي

2 مشترك

اذهب الى الأسفل

حان رجوعي Empty حان رجوعي

مُساهمة من طرف الموسوي الأحد مارس 28, 2010 6:54 am

يبن أمـــــــي فارگــــــــــــتك عالغــــــــبره ودعــــــــتك
وارجعـــــــــت مــا شفـــــتك
* * *
مـــــن بعد الغيبه اللي طالت رديت لگبرك رديـــــــــــت
جيتك بهمومي واحــــــزاني وبلهفة گلبي اتعــــــــــنيت
انه المهمومه المسبـــــــــيه وبصوت المدمع ناديــــــت
عفتك عالتربان امــــــــــوذر جيت وما شفتك مـن جيت
يا خويــــــه واعــــــــــــدتك بالرجعه عــــــاهـــــــــدتك
وارجعـــــــــت مــا شفـــــتك
* * *
حسبت أرجعــــــلك يبن أمي وبالمصرع بعدك الگـــــاك
ما شفتك من يــــــوم العفتك متوسد ما بين اعــــــــداك
بس اگبور تشـــــــاهد عيني وگلب اختك صاح ونــاداك
يم جسمك هاك ادفـن روحي وخليني ابگبرك ويــــــــاك
بدموعــــــي غسلــــــــــــتك وبروحـــــي چفّــــــــــــنتك
وارجعـــــــــت مــا شفـــــتك
* * *
بس ما شفــت الطف ابعيني ردت وانعـادت الأفــــــــكار
صرت أذكر مصــرع ولياني وأذكرت خـــــــيامك والنار
واذكرت العاشر ومصـــــابه واشما حل أعـــلينه وصار
واذكرت اللــيل وأيتامــــــــك محتاره اتلوذ ابمحــــــتار
يالوالـــــــــــي حشمــــــــتك ناديتك آنـــــه اخــــــــــــتك
وارجعـــــــــت مــا شفـــــتك
* * *
عديت اللـــــــــــيل وساعاته واتنطّر وجـــــــه المصباح
ما أسمع لن صــوت الحادي صاح وظعنك عـــــنك راح
واصعب موقف شافت عيني روس انشالت فوگ ارماح
من يمك رحنه بهالحـــــــاله ويم جسمك عـفنه الأرواح
للكلــــــــــفه ذاخــــــــــــرتك للشــــــــده رايدتــــــــــــك
وارجعـــــــــت مــا شفـــــتك
* * *
ما أرويـــــــــــلك شدة حالي إنشد رأســـــك چان اوياي
رأسك خل يحچـــــــيلك عني ويشرح عن لوعة ممشاي
محتاره بأيـتام وخــــــــــــدّر واشگف للســوط ابيمناي
أتحمل جمرة فرگــــــــــــتكم لو أحمل جــــــــمرة دنياي
عــــن حالي أخــــــــــــبرتك بعيوني وســــــــدتــــــــــك
وارجعـــــــــت مــا شفـــــتك
* * *
من يوم العـــــفتك بالمصرع ما غمضت عيني لها ليوم
اگعد باصرني وحاچـــــــيني شيصبر گلبي المهـــــــموم
مالومك يالغايب عـــــــــــني يبن أمي وشيفيد اللـــــوم
ما يدري بحال المظــــــلومه ولا يعلم غير المظلـــــــوم
بالمــــــصرع اتركـــــــــــتك وبعيــــني شاهدتــــــــــــك
وارجعـــــــــت مــا شفـــــتك
* * *
بهمومي ولوعـة دلالــــــــي اتعــــــنيتك من درب الشام
جيت وجبت اثــــلاثه أويايه نــــوح ودمعــــــــات وآلام
يبن أمي جروحك وجروحي مرســــــــومه بعـين الأيتام
اخذت كل ما عــــندي الدنيه واشخلّت عندي الأيــــــــام
بالعــــــــــتب لوعــــــــــــتك يا وسفــــــــه ضيعــــــــتك
وارجعـــــــــت مــا شفـــــتك
* * *

لشاعر جابر الكاظمي


عدل سابقا من قبل الموسوي في الأحد مارس 28, 2010 10:53 am عدل 1 مرات

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

حان رجوعي Empty رد: حان رجوعي

مُساهمة من طرف البابلية الأحد مارس 28, 2010 10:10 am

flower
بارك الله بيك
قصيده رائعه
شكررررررا
البابلية
البابلية
عضو نشيط
عضو نشيط

عدد المساهمات : 39
تاريخ التسجيل : 20/03/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى