منتديات خدام الحجة (عليه السلام )

قصيده

استعرض الموضوع السابق استعرض الموضوع التالي اذهب الى الأسفل

قصيده

مُساهمة من طرف الموسوي في الأحد مارس 28, 2010 6:58 am

هــــــــاك سيفك والمهر وافدي لحسين العـــــمر
هــــا يجسام للشهــــادة يبــــــــني وآنه للــــيسر
وافدي لحسين العـــــمر
* * *
بين ايدامــــــــه الحزينه وگف جاسم يستمعه
نخوه وعهود ووصايه ويعكس الحال الدمــع
هذا سيفك هذا مهرك امضي قاتل وانصــــرع
خلي دمك يوفي عهــدك وآنه اوفي بالصـــــــــبر
وافدي لحسين العـــــمر
* * *
يبني موهيّن عليّه من اشوفــــــــك منـــــذبح
لا چن الهون مصابك دم علي الأكبر يســـــح
ناده عمك من دمانه نبني للدين الصـــــــــرح
ضحي يا جاسم وتـدري لدينّه ايصير النـــــــصر
وافدي لحسين العـــــمر
* * *
من الحسن هاي الوصيه وبيها آنه امكـــــلفه
گال جاسم مثل اخوته يأدي لحسين الــــــوفه
والوفه الننتظر يومه هذا يومه وموقـــــــــفه
امودع ومثل أم الأكـــبر خلي گلــــــــبي ينغــــمر
وافدي لحسين العـــــمر
* * *
ببني من سهر الليالي بالربه وهز المــــــــهد
الحسن واعدني بمصابي وحان هاليوم الوعد
واللي سهرت واللي ربت المن تريد الــــــولد
للشدد تذخر ولدهــــــــا وانت للشــــده ذخــــــــر
وافدي لحسين العـــــمر
* * *
گلبي غذاك بنميره ودمعه لوداعــــــــك جـره
لچن فرض الدين يبني عالفراگ ايصـــــــبره
ذود عن عمك يجاسم وبجهادك ناصــــــــــره
تدري چم مرحب اگبالك بالحرايب چــــــــم عَمُـر
وافدي لحسين العـــــمر
* * *
اتفتحت زهرة حياتك من ورد عذب ارتــــوت
للحسن آمال عهد التضحيه بيك انطـــــــــوت
يولدي وگبلك اخوتك عالثره اگبالك هــــــوت
تدري بس دم الشهــاده لو شخب يطفي الجـــمر
وافدي لحسين العـــــمر
* * *
وآنه من زينب عرفت الصبر وانته شاهــــده
يبني والمثلك يمثل بالحرايــــب والــــــــــــده
اگبال عين حسين دور الحسن بألطـــف جدده
بالخلد ترعـــــاك أمــــك فاطمة الزهــــره الطهر
وافدي لحسين العـــــمر
* * *



للشاعر جابر الكاظمي

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى