منتديات خدام الحجة (عليه السلام )

الإمام علي (عليه السلام)

استعرض الموضوع السابق استعرض الموضوع التالي اذهب الى الأسفل

الإمام علي (عليه السلام)

مُساهمة من طرف الموسوي في السبت أبريل 17, 2010 2:12 am

الإمام علي (عليه السلام)
للشاعر المرحوم
الحاج كاظم السلامي الكربلائي

خصـك ربـك إبسـرّ الولاية * * * وحبّـك يا عـلي مـفروض آيه
عـلاّم عـلاّم * * * بأحـوال السـمه والأرض علاّم
* * * * *
يا عـلي إسـمك ورسـمك من لـطف راعي الجلاله
يا عـلي ولـطفك وعطـفك صـوّره من لطف حاله
يا عـلي إبـعلمـك وحـلمك جسّـدت روح العـداله
يا واحـد الغيـرك عرف * * * ذاتـه ومعـانيها وصـف
ثـاني الذي بيـه اعترف * * * وأنـت صـدّقت الرساله
محمـد أول إبمعرفة ذاته * * * وإنت يا علي ثاني إبصفاته
مـلزام ملزام * * * للثـالث بعد ما يصح ملزام
* * * * *

إنـت ميـزان العـداله وبحـر چـفك مـن يوصـفه
صـبرك وگـدرك وطـبـرك النـبي واللـه يعـرفه
يا علــينه يا ولــينه وإســمك البـاري إمشـرفه
ما غيـرك البيه نعترف * * * اول كـمل بـيك الوصف
والثـاني ويـاه نختلف * * * ما نــقر بيـه ونـعرفه
إنت نصّـبك ربـك خليفه * * * عالمـلّه وبعد ضـم لك وظيـفه
حـكّام حـكّام إلنـاره وجنّته وظفك حكّام
* * * * *

يا أمــلنا إبـكل مـحنّه ومن يـفل غيـرك المحنه
بيـك نـفخـر يالمشـكّر إحـنه چـا لولاك رحنه
وإنتــعدّه وإنتـحدّه عالخصـم وبوجـهه صـحنه
ريّب وقصّـر بالحچي * * * يدري أعلى همتك نرتجي
حصته بگت بس إلبچي * * * يا عـلي وإحـنه فرحنه
إشحدك يالخصم تگرب علينه * * * نحچي إبزود قائدنا علينه
هـدّام هـدّام * * * سيفه للظلم والجور هدّأم
* * * * *

يلمـچنّه فـرد عـنّه لا تــصد يفشــل تـعبنـه
وإحـتزمنـه والتـزمنـه بيـك وإعليـك إنحسبـنه
وإنتهـنذه إبـهوه الجــنّه إبـعالم الـذر إنكـتبـنه
بيك الگـلوب إمولعه * * * وبـنوار نـورك ساطعه
يا رحمة الله الواسعه * * * بالگـلب حبّـك طبـعنه
ومن فاضل الطينه الله خلقنه * * * وعنك لا تظن ساعه إفترگنه
تنضام تنضام * * * گوم الوالتك هيهات تنضام
* * * * *

ومـن فـعلها ومن شـعلها النـار ما نخشى زجرها
حـيث ندري إبـحكم فكـري بيـدك إمسـلّم أمـرها
إبفزع الأكبـر من الكـوثر شــيعتك تـطفي جمرها
درب الصراط إليه تمر * * * محشـومه مجـلولة قـدر
كلمن يجعدونه إبقصر * * * إن شا الله وهذا اليسـرها
وحور العين تخدمها إمبحلها * * * تشوف أوصلت غايتها وأملها
خـدّام خـدّام * * * والولدان إلها إتصير خدّام
* * * * *
هـذا فضـلك هـذا فـعلك يالمـجندل ذاك مـرحب
وبحـملتك وبـطبـرتك لبـن ود ياشـهم أعــجب
والعـجيبه والغـريـبه شـلون ابـن مـلجم الصوّب
راسـك يـراس الغانمه * * * وتخـضّب إبـفيض الدمه
يا لبيك تگضي الموزمه * * * وسـمّه إبجسـمك تشرّب
وإنت يا علي يا بطل صفين * * * يتّمت الحسن وحسين والدين
أيـتام أيـتام * * * ظلوا من عگب عيناك أيتام
* * * * *
دمـعه يـذري وإنـت تـدري الحسن لمـصابك الليله
يشـوفك إتـنازع إبـروحك زينـب المـدمع تسـيله
والغـوالب وآل طـالب حـضرت الحـامي دخـيـله
لمـن گرب ليه الأجل * * * إبـعز إنـحمل للمغـتسل
جـاهز لعد گبره نزل * * * حسـين ظـل محّد يشيله
ظل عاري غريب الغاضريه * * * ولعبت فوگ صدره خيول أميّه
وإنسحگ للهادي صدر
وراس الفخر فوگ السمر * * * ومشّـوا خـواته لليسـر
* * * * *

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى