منتديات خدام الحجة (عليه السلام )

يبو الباقر عليك ادموعي اجريها

استعرض الموضوع السابق استعرض الموضوع التالي اذهب الى الأسفل

يبو الباقر عليك ادموعي اجريها

مُساهمة من طرف الموسوي في السبت أبريل 17, 2010 2:19 am

س= وتضل بحشاي نارك تستعر بيها

يا مظلوم يبن النبي = يا مسموم يبن النبي
-------------
عله امصابك يبو الباقر نهل ادموع = يمن بيك النبي الهادي غدا مفجوع
إمام وما شفت غير الهظم واللوع = وجراحك بالـﮕلب ﮔلي شيداويها
يا مظلوم يبن النبي = يا مسموم يبن النبي
-------------
شيداوي جروح ﮔلبك يا عمود الدين = شيضمدها وصفت لاجرح لا جرحين
ﮔــضيّت العمر تنحب لبوك حسين = ومصيبة كربله عايش مآسيها
يا مظلوم يبن النبي = يا مسموم يبن النبي
-------------
مصايب كربله ما فارﮔت روحك =وبعد هظم السبي زيدلك اجروحك
يمن طول العمر ما بطلت نوحك = وكل ساعه التمر بالدمعه تـﮕظيها
يا مظلوم يبن النبي = يا مسموم يبن النبي
-------------
يمن علمك علم طه النبي وحيدر= نهج أيمان ذاتك سيدي ومصدر
يمزلزل اميه وانته عالمنبر = وصدا صوتك يدوي بكل نواحيها
يا مظلوم يبن النبي = يا مسموم يبن النبي
-------------
آنه ابن الجدّع خشم الكفر والجور = آنه ابن اللواء االعلعرش منشور
وآنه ابن الحمد والبسمله والطور = وجدي المصطفى للأمه هاديها
يا مظلوم يبن النبي = يا مسموم يبن النبي
-------------
أنه حمزه وعقيل وجعفر اعمامي = وآنه ابن الذبيح عله الارض دامي
وآنه الي شفت اخواني ﭼدامي = ضحايه وهالترب لو هب يذريها
يا مظلوم يبن النبي = يا مسموم يبن النبي
-------------
اشلون ابن الخنا سمّك يعالي الشان = وانته الطاعتك واجب عله الاكوان
آ يبن الحسين المنذبح عطشان = مصابك سيدي للشيعه يآذيها
يا مظلوم يبن النبي = يا مسموم يبن النبي
-------------
يا زينة عباد الباري يا معصوم = مثل ﭼبد الحسن ﭼبدك غدا مثلوم
نصيح بصوت يا ويلي عله المسموم =ومهجتك سيدي بيمن نوافيها
يا مظلوم يبن النبي = يا مسموم يبن النبي
-------------
بظعن حزنك مشينه يا علي السجاد = نجريلك دمع يا زينة العباد
ويم ﮔبرك مآتم تنصب الوّفاد = ولامك فاطمه بالهم نواسيها
يا مظلوم يبن النبي = يا مسموم يبن النبي
-------------
عمار جبار خضير
20 محرم 1431
2010

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى