منتديات خدام الحجة (عليه السلام )


انضم إلى المنتدى ، فالأمر سريع وسهل

منتديات خدام الحجة (عليه السلام )
منتديات خدام الحجة (عليه السلام )
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصيده

اذهب الى الأسفل

قصيده Empty قصيده

مُساهمة من طرف الموسوي الأحد مارس 28, 2010 6:48 am

farao
يبن الحســــــن خليــــــــني اذكر اتعـــــاب اسنيني
والدنـــــــيه شتــــــراويني
* * *
يبني يجاسم يــــــــا أمـــــل روحـــي ومسرة حالي
فرحتك صــارت نايحــــــــه ونــــــــار بوسط دلالي
بياعين اشــــــــوفن جثــتك فـــــوگ الرمال اگبالي
فرگتك جــــــمرة نايــــــــبه وحـرگت صحفة آمالي
ناديــــــــتك، ناديــــــــــــتك يولــــــــدي ناديــــــتك
ابچــــــــلمة أمـــل حاچيني وين الصبر دليــــــــني
والدنـــــــيه شتــــــراويني
* * *
يبني يجاسم حســــــــــــبت أفرح وشاهد عــــرسك
تاليها شفتك عــــــــــالترب طايح تجود ابنفـــــسك
دنيانه صــارت مظــــــــلمه وغابت يجاسم شمسك
يا زهرتــــــــــــي المتناثرة عين الله يبني اتحرسك
زفيـــــتك، زفيــــــــــــــــتك عالحرب زفيــــــــــــتك
ســــــــهم الهظــــم عاميني ابرمية غــــدر راميني
والدنـــــــيه شتــــــراويني
* * *
يا فرحة اسنــــــــين العـمر يا بسمتي ويا عــــيدي
أتبدلت أفــراح العــــــــرس صارت حزن يولـــيدي
حسبت اعـــــــــلگ شمعتك وانصب زفافك بــــيدي
عودني دهري أعله الحزن صار الحزن تعــــويدي
حنــــــــيتك، حنــــــــــــيتك بدموعي حنــــــــــــيتك
صــــــــار الدمـــــع يكفيني يحرگني ويطفــــــــيني
والدنـــــــيه شتــــــراويني
* * *
يبن الحسن كــل والــــــــده بهذا الطبع معـــــروفه
يكبر ولدهـا وتنــــــــــــتظر عريس تالي تشـــــوفه
بيديها تعـــــــــــلگ شمعته وهيه التحني اچفــوفه
بس آنه ويـــــــــــاك الدهر جرد علينه اسيوفــــــه
ضنــــــــــيتك، ضنــــــــيتك اتفرحــني ضنيــــــــتك
صــــــــوت الابــــه يناديني وبالفاجــــعه ايواسيني
والدنـــــــيه شتــــــراويني
* * *
اشموعــــك رماح المعركة وحنتك صــــــارت دمك
لا زال قــــــــدمت العـــــمر من أجل نصــــرة عمك
أتحمل أحمــول الصــــــــبر وافرش دليــــــلي يمك
آنه أمك بــــــــدار الغـــرب اسمع شصـــــاحت أمك
خليــــــــــــتك، خليــــــــتك بعـــيوني خلـــــــــــيتك
اسمــــــــــــك كتـبته بعيني اشما اغمض ايصحيني
والدنـــــــيه شتــــــراويني
* * *
يوليدي بسلاح الصــــــــبر أمك تظل متسلــــــــحه
ما ادري أحزن يا شهــــــم لو أبدي عگبك فـــرحه
مره اگــــــول ابفرگــــــــتك گلبي اشيطيب جـــرحه
مره اگول ابـني ابفــــــــخر قدم حياته وضحــــــــه
ربيـــــــــتك، ربيــــــــــــتك للكلــــــــفه ربيــــــــتك
جــــــــور الــــوكت ماذيني وهظــــم الدهر سابيني
والدنـــــــيه شتــــــراويني




لشاعر جابر الكاظمي

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى