منتديات خدام الحجة (عليه السلام )

هوسات

استعرض الموضوع السابق استعرض الموضوع التالي اذهب الى الأسفل

هوسات

مُساهمة من طرف الموسوي في الثلاثاء مارس 16, 2010 4:30 am

هوسات حسينيه
-------------------------------------
1-
للعليله ع

عليله بلا فكر وكفت تحاجي الدار
يادار الحزن أهلج صفو طشار
من يوم المشو لليوم ماكو أخبار
مهمومه تناشد مهمومه
عن حال حسين وجيدومه
______
من سار الضعن لأرض الطفوف وراح
وي ضعن السرو صفينا بالارواح
باجينا المدينه وندك راح براح
والزهره اويانا تباجينا
والهادي تهل دمعة عينه
_________
يادنيا الحزن لهل الحزن عنوان
أشكال المصايب تمر بينا الوان
كلشي يهون بس يصعب سبي النسوان
من تفكد وليان الغيره
ياحيره الما مثلج حيره
______


2-
لأم البنين ع

ظلت بالمدينه ورسلت الولدان
اربع من ولدها لحومة الميدان
كالت فدا حسين الاربعه الخوان
بس كون حسين ايرد سالم
افديهم والباري العالم
______
آنا ام البنين ام البطل عباس
راعي المرجله وراعي الشيم والباس
أظل بيه وبأخوته افتخر بين الناس
لجل حسين الدم يفدونه
والموت اعلى الحك يردونه
_______
فديت الاربعه ولحسين كلشي يهون
بس كونه يردلي وتقر بيه العيون
لاعباس ردته يرد ولا من عون
ماأريد ايردون اولادي
بس كون ايرد ابن الهادي
______

3-
للأنصار

احنا انصار ابو اليمه واله مضحين
لن بسمه يتمثل كل بقاء الدين
كلنا اليوم عابس كلنا ابن القين
نتقدم بالهده الاولي
صولتنا اويا الباطل صوله
_________
اجانا حسين لمنا بكتر حسره وويل
حل من امري انتم اسرو بهالليل
انا المطلوب وحدي الزمرة التضليل
اسمع لحسين اشكلناله
نتقدم من كبل ارجاله
_______
كلناله انتقدم واحنا ممنونين
شنهي الليل يستر شنهي معذورين
نقسم بالسما محد يعوف حسين
نتمدد كبله اعلى الحومه
ونوافي الزهره المظلومه

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى