منتديات خدام الحجة (عليه السلام )

سهم العين قصيده

استعرض الموضوع السابق استعرض الموضوع التالي اذهب الى الأسفل

سهم العين قصيده

مُساهمة من طرف الموسوي في الأربعاء مارس 17, 2010 12:26 am

كلمات الشاعر الحاج أحمد العبادي
سهم العين
يسهم العين أحچي أوياي .. أنت أصعب لو سهم الماي
وضح أكثر .. يسهم الشر
أنت أصعب لو سهم الماي
...
يسهم الصوبت عين الچفيل أنته
هاي المحكمة وجاوبني عالشفته
قبل العين لازم صبت چف أخته
قبل عين الچفيل حسين صوبته
حاچيني ووضح للناس .. عن آخر نظرة لعباس
صد لحسينه .. لو لسكينه
أنت أصعب لو سهم الماي
...
علامك يسهم وأتعجب بأمرك
يسهم المصايب ينفرد ذكرك
علامك ماخفت والثانية أتنظرك
ولاخفت الچفوف الچانت أتئمرك
ماتعرف يسهم العين .. قاصد تتحدى الچفين
ياچف أيصد .. وأنظل ننشد
أنت أصعب لو سهم الماي
...
يسهم الصبت من طاحت أزنودة
متعنى الچفيل وتعرف بزودة
تعرف چم طفل يتئمل أضعودة
منك حسرته لو من سهم جودة
أنت أصعب لو سهم الجود .. بيمن ينظر للعامود
هاي الحالة .. صوت أطفالة
أنت أصعب لو سهم الماي
...
أسئلك يسهم من طاح عالغبرة
على وجهه وقع لوله على ظهرة
أن چان أعلى الوجه من غيرك ينحرة
وجرح أم البنين ودمعة الزهرة
يوليدي الصوت من أثنين .. صوت أمك وصوت أم حسين
أنظر دمعي .. ويسئل ضلعي
أنت أصعب لو سهم الماي
...
جاوب يسهم وأجروحنا أتسمعك
سكوتك لاتظن بالمحكمة ينفعك
من شافك أخيك وحاول يطلعك
مثل سهم المثلث لو أشد وضعك
من شافك بالعين أشقال .. ويشاهد وضع الچفال
وقعت ذخري .. كسرت ظهري
أنت أصعب لو سهم الماي
...
أخيراً يسهم مجبور ترويها
هاي أم القصص والعين تدميها
زينب من أجت والآه تحديها
تصد عليك وأنت بعين واليها
ريتك ماصبت الرواي .. وأتمنى أتصوب عيناي
صبت الغيرة .. وأنا بحيرة
أنت أصعب لو سهم الماي


الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

رد

مُساهمة من طرف كرار الموسوي في السبت مارس 20, 2010 12:10 am

الهم صلى على محمد وال محمد
اشكرك جزيل الشكر الاخ العزيز الموسوي على
هذه القصيده متمنين لك المزيد من القصائد الحسينيه
avatar
كرار الموسوي
عضو نشيط
عضو نشيط

عدد المساهمات : 40
تاريخ التسجيل : 09/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى