قصيده گبرك يحــــــــسين اتعنيـــته

گبرك يحــــــــسين اتعنيـــته
* * *
يالگبرك ضمك عـن عــــيني بمصابك منهو ايواسيــــني
اگعد يبن أمي وحاچــــــــيني وعن موضع گبرك دلـــيني
أصرخ والمدمــع هلــــــــيته
* * *
اشرحلك عن وضعـي وحالي أخلافك ظليت ابلا والــــــي
أصبح چتـــــالك يبرالــــــــي شاهدتك مذبوح اگبالـــــــي
وبالمصرع جســــــمك خليته
* * *
ناديتك ما تعــــــــلم بــــــــيه راح اطلع عنك مسبــــــــيه
امشي وعيني اعـــليك اربيه عن ظعنك انشد حاديــــــــه
درب الكوفة اشــلون امشيته
* * *
الكوفة ابلوعتنه ادخـــــلناها وبفيض المدمع عـــــــفناها
والگوم اللي رحنه اويــــاها جارت عالعيله ابمســـــراها
ظعنك من خصمك حاميــــته
* * *
للشام من الكوفة اخذونــــــه جاروا بالمسره وضـهدونه
عالنوگ الهـزّل مشونــــــــه وبضرب السوط اتولـــــونه
چم سوط اخـــــــلافك صديته
* * *
نمشي ورأسك يمشي اويانه للشام اوصلنه ابمســـــرانه
من گصره ايـــــــزيد اتلگانه وابچلمة شامت حاچــــــانه
وخصمك بالشام اتحديــــــته
* * *
بالمجلس خلاني اگبـــــــــاله لن زودي وعزمي اتصداله
ذليته وذلــــــيت ارجــــــــاله وخيبت اظنونه وآمالـــــــه
اتحديت ايــــــــزيد وذلــــيته
* * *
واليوم اتعـــنتي ابظعــــــــنك يبن أمي وجيت أنشد عنك
يا مظوم اتعــــــذر مــــــــنك ما چنت آنه بساعة دفــــنك
ومصابك لتــــــــظن انسيــته
* * *


لشاعر جابر الكاظمي

اشكرك الموسوي على مساهمتك الجميله