منتديات خدام الحجة (عليه السلام )

زهرة الشباب القاسم (عليه السلام)

استعرض الموضوع السابق استعرض الموضوع التالي اذهب الى الأسفل

زهرة الشباب القاسم (عليه السلام)

مُساهمة من طرف الموسوي في السبت أبريل 17, 2010 1:44 am

زهرة الشباب القاسم (عليه السلام)

للشاعر المرحوم
الحاج كاظم السلامي الكربلائي

يريـع الگـلب يمـدلـل ==== يجـاسم جـاعده يمّـك
يبـني گـوم باصـرني ==== عفتني ليش ماني إمـك
شلون أنساك روحي وياك ==== يبنـي يا ضوه عيـوني
* * * * *
يبـــني مـــو محـــــل النوم ==== فـك عيـنك إوحاجيني
وين أنطي الوجـه عگــبك ==== رايــي تـاه دلـيني
ما أوچــد بعــــــــد دزبـــي ==== منــها سال مي عيني
وما أعـتــــقد تـتبـــــــــرّه ==== مـا هي إمـناسبه منّك
شلون أنساك روحي وياك ==== يبنـي يا ضوه عيـوني
* * * * *
تســعه بالحـمل شـــــــلتك ==== وأطـلبك بالمـنازع ذاك
وأطـلبك بالحـليب اللـــــي ==== شربته وسهر ليلي إوياك
أبچـــي مــــثل ما تبــــچي ==== وإتسـله الگلب بـرباك
ما خليـتك إعـله الگــــاع ==== تمـشي إوشـايله همّك
شلون أنساك روحي وياك ==== يبنـي يا ضوه عيـوني
* * * * *
ما همـيت بس بربـاك ==== يبـني وأحسـب إسنينك
وتوصـل حد مواصيلك ==== وتنـظر لـمّك إبـعينك
وأعرسك وأفرح إبعرسك ==== وأخـضّب حـنّه چفينك
أبـد ما چـان بحسـابي ==== حـنّه يصـير إلك دمّك
شلون أنساك روحي وياك ==== يبنـي يا ضوه عيـوني
* * * * *
وإملـبّسك صـار الزان ==== والنشــاب يولــيدي
وزفوك برماح وبيض ==== ياسـعدي وبـدر عيدي
ردت يـومي گبل يومك ==== وإنت إتـحضر توسيدي
حسـابي طـلع بالمگلوب ==== يالبيـك إنفـجع عـمّك
شلون أنساك روحي وياك ==== يبنـي يا ضوه عيـوني
* * * * *
الولـد مريـود يالمهيوب ==== يبـني المـثل هالساعه
يالنـارك إبـلب إحشـاي ==== يالـغطـريف لسـاعه
إجـه عـمّك إبدمع العين ==== چوچـه إعليك فك باعه
مسح دم وجـهك إبچـفه ==== وحسـره جذب وإشتمّك
شلون أنساك روحي وياك ==== يبنـي يا ضوه عيـوني
* * * * *
ردّت نـادتـه رمــله ==== كـافي النـوم يا جسّـام
عـمّك خلصـت أنصاره ==== والعسـكر عـليه هالحام
گـوم إنـده علي الأكـبر ==== إشـلون يـنام وإنت تنام
منـهو بالحـمل ينـهض ==== يمن عودك ضخر ضمّك
شلون أنساك روحي وياك ==== يبنـي يا ضوه عيـوني
* * * * *
لاچـن يـولدي مـعذور ==== أحشـمك غصب يمنتّب
أدري عـتب ما تـحمل ==== وأعـتبنّـك يالمـعتّب
شـلون تگـوم وأمواصل ==== طـبر يالشـهم وإمهذّب
بســيوف العـده وسفه ==== وحيـف الغبره إتضمّك
شلون أنساك روحي وياك ==== يبنـي يا ضوه عيـوني
* * * * *
يا سـلوتي شـلون تنام ==== من بـعدك شلون العين
يالـما تـمت إسـنينك ==== وحا تـفني عـليك البين
غبـت والسهر ظل لمّك ==== يا ضخر الحسن لحسين
يعـريس الحـرب يبني ==== إرمـاح إعـداك زفّنك
شلون أنساك روحي وياك ==== يبنـي يا ضوه عيـوني

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى