منتديات خدام الحجة (عليه السلام )

بضعة الرسول الأكرم (صلى الله عليه وآله)

اذهب الى الأسفل

بضعة الرسول الأكرم (صلى الله عليه وآله)

مُساهمة من طرف الموسوي في السبت أبريل 17, 2010 2:14 am

بضعة الرسول الأكرم (صلى الله عليه وآله)
الشاعر المرحوم
الحاج كاظم السلامي الكربلائي

أصبـحت عـيني تكت إعبارها
عالضـلعها بي نبـت بسـمارها
* * * * *
من عگب عينك يبوها إتجسّرت
أمّـتك والـدارها إبـغيها إعتنت
إبـاب عتـبة دارها نار إشعلت
ومـا رعت حـرمه لعد كـرارها
* * * * *
أصبحت تندب إبأسمك يالرسول
إبكثر جور أمتك الصار إعلى البتول
عگب عينك گامت إعليها تصول
إو سگـطت المحسن إبـعتبة دارها
* * * * *
الچـانت بعـهدك إسلام إتمرّدت
والوصـيتك يـبو إبراهيم إنـكرت

ولعند الشـيطان والحزبه إتبعت
ونقـضت البيـعه جـميع أشرارها
* * * * *
هانت البضعه وسگط منها الجنين
وسـحبت الكرار أمـير المـؤمنين

إبّـند سـيفه يا زعيم المسـلمين
أمـتك النـجيتها إمـن أخـطارها
* * * * *
طلعت الزهره وراه تبچي وتصيح
خـلوا إبـن عمي ومـدامعها تسيح

إشعجب لسه السمه ثابت ما يطيح
والأرض مـا تنچـفي إبـفجـارها
* * * * *
تـبعت الكـرار والـدمعه إهملت
ردتـه ســالم الـداره إو أمّـنت

فـرد زينب من للحسين إعـتنت
شــافته إمـوزّع إبّـحد أشفارها
* * * * *
نـادته يحسـين يا نسـل الطـهر
گـوم من عـندي فـلا لك كل عذر

الخيـل هجمت عالخيم گامت تكر
جيـوشها إو وجـرّت بيـها نـارها
* * * * *
نـاده يا زيـنب يـباجي كل هلي
ردي للخــيمه وإحـفظي لي عـلي

إتـودّعت بيـه الإمـامه ولا ولي
بگـه إعـلى المـلّه إبـأمر جبارها
* * * * *
شــلون ترجـع واچفه وإمحيّره
بگـت يـمّ حسـين والمـدمع جـره

تـرد للخيـمه ويـظل فوگ الثره
حسـين مـثل الشـمس بين أقـمارها
* * * * *
شـلون حـالة بت أميـر المؤمنين
ردّت وظـل الگلب عـدّ الحســين

إشـعمل عمله بينـها أو بينه البين
گـطع ســلك المـتصل بنـوّارها
* * * * *
شـافت الـواجب تسّـدر للخـيم
إتشـوف ما ظل اليحامي إعلى الحرم

إتكـلفت عگب الولي راعي العلم
وتجـمع العيـله الكـثر طشــارها
* * * * *

الموسوي
مشرف الشعر الشعبي
مشرف الشعر الشعبي

عدد المساهمات : 159
تاريخ التسجيل : 09/03/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى